Bakken

Ég og Ragnhildur skelltum okkur í Bakken skömmu áður en hún fór heim. Það er mjög furðulegur staður, þar sem fullir kallar ráfa um öskrandi á fólk og fjölskyldur koma með börnin sín. Svo er þetta líka hangout staður fyrir unglingana sem búa þarna. Þessi staður er eins og fastur í níunda áratugnum, hvað varðar airbrush listina á veggjunum. Það sem er mest freaky eru .. tja ég veit ekki alveg hvað þetta heitir. Brúður? Skúlptúrar? Auglýsingastyttur? Lítum á myndir:


Fyrst er auglýsing fyrir "fish´n chips". Vá hvað þetta er krípí fiskur sem kemur upp úr frönskunum með kokkahúfu! Fiskurinn þeirra hefur verið ferskur síðan 1956.


Næst eru sálarlausir álfar/dvergar með lugtir. Þeir standa eins og vörð um nokkra steina. Ábyggilega satanískur fórnarstaður. Þeir líta út fyrir að drekka blóðið úr þeim sem voga sér of nálægt.


Þessi gaur sneri hausnum hægt og rólega til beggja hliða. Hann gat samt ekki hreyft handleggina því að þeir eru boltaðir fastir við staurana, ásamt löppunum. Hvað heitir þessi svipur? Lítur út eins gaur sem er einni sekúndu frá því að æla.


Þessi gaur hefur byrst í draumunum mínum af og til síðan ég sá hann.

Kíkjum næst á auglýsingaskilti:


Tannlaus gömul kona vinnur helling af gullpeningum í gufuknúnum spilakassa. Það stendur raunar hókus pókus á honum, þannig að hann gæti verið galdraknúinn. Á myndinni má líka sjá rottu (sem býr í kassanum) dauðadrukkinn mann liggjandi á gólfinu og hálfnakinn gaur hangandi á rólu í loftinu. Neðst stendur svo "vinderen". Það er ekki það fyrsta sem manni dettur í hug samt.


Oscars Bøf Bar. Ok, hvað er í gangi hérna? Strákurinn vinstra meginn er að gráta, og stelpan (?) hægra megin er eins og hausinn hafi verið slitinn af henni. AH! uhm!
Einhver hefur buffað þessi börn.


Hvar annars staðar er hægt að fara í fimmvíddarbíó sem bíður upp á Pandavision?


Það ætti helst að skoða allar myndirnar með dúndrandi Ibiza tónlist í eyrunum. Annars mæli ég mikið með þessum stað.. einhvers staðar verður white trash að vera.