Tölvuleikjadagbók

Já ég hef verið að vinna að tölvuleik núna í vetur með 2 færeyskum strákum. Þeir heita Svein og Fróði (borið fram Svæn og Frói). Við erum að vinna með leikjavélina Panda3d sem Disney þróaði í samvinnu með bandarískum háskóla.
Leikurinn mun gerast í Færeyjum. Þetta er traktor kappakstursleikur með kindum. Ég sé alfarið um að gera grafíkina ásamt því að forrita með strákunum. Ég er nú þegar búinn að gera traktor, kind (sem getur hreyft sig) og er að vinna í brautinni.
Við erum nokkurnveginn komnir með collision systemið á hreint. Bíllinn getur ferðast eftir ósléttu landslagi, en hann hallast ekki ennþá eðlilega, þ.e. hann er alltaf láréttur þó að hann sé að fara niður brekku.
Skiladagur er 25. nóvember svo að það verða örar framfarir á næstu dögum. Ég ætla því að birta screenshot og annað sem tengist leiknum fram að skiladegi.

Traktorinn sem spilarinn mun keyra lítur svona út:

Kindin er með innbyggða beinagrind svo að það verður hægt að láta hana hreyfa sig eðlilega. Hugmyndin er að það verði gaman að keyra á kindurnar (blóð út um allt), en þú þarft að borga bóndanum hluta af vinningnum fyrir hverja kind svo það borgar sig ekki fyrir spilarann. Hér er wireframe og svo screenshot úr Panda3D.

Brautin er á algjöru grunnstigi. Ég vil taka það fram að sjórinn verður ekki svona þetta er bara til að hafa eitthvað eins og er. Síðan er planið að setja helling af steinum og drasli út um allt. Og já það verða göng! Allir elska göng!

Annars er að byrja 5 daga helgi hjá mér :D Kennarinn sem átti að vera með tíma á morgun þurfti að fara til Frakklands (on an urgent family emergency :S) og dæmatímakennarinn hans er með flensu. Broskallar rúla ^_^